Unidade Móbil Doazón de Sangue 24 de abril

A unidade móbil da Axencia Galega de Sangue, Órganos e Tecidos estará en Sarria o venres 24 de abril desde as 10:00 da mañá no sitio de sempre na Rúa da Liberdade.

 

A Axencia Galega de Sangue, Órganos e Tecidos (ADOS) subministra compoñentes sanguíneos a todos os hospitais de Galicia. Cada día, as doazóns de sangue recollidas nos locais de doazón e nas 10 unidades móbiles que percorren os concellos galegos envíanse ás dependencias de ADOS para o seu procesamento, análise e distribución.

 

Na web (ados.sergas.gal) encontraredes información sobre a doazón de sangue e os requisitos de saúde para participar.

 

Cada día os hospitais galegos precisan entre 400 e 500 doazóns de sangue para manter a súa actividade, e a vosa colaboración é fundamental.

 

Nunca a solidariedade foi tan sinxela.